پیپلز پارٹی کے رہنماءعدیل تاج کی اہلیہ کا چہلم، مولانا بلال کا خصوصی خطاب، سیاسی، سماجی و کاروباری شخصیات کی خصوصی شرکت

فیصل آباد (94 نیوز) پیپلز پارٹی کے ٹکٹ ہولڈر اور سابق جنرل سیکرٹری سٹی فیصل آباد عدیل تاج کی اہلیہ کی چہلم کے موقع پر ایک تعزیتی اجتماع منعقد ہوا، جس میں شہر بھر کی سیاسی، سماجی، اور کاروباری شخصیات نے بھرپور شرکت کی۔اجتماع کے دوران مولانا بلال نے خصوصی خطاب کیا اور مرحومہ کے بلندی درجات کے لیے دعا کی۔ انہوں نے مرحومہ کی زندگی اور ان کے خاندان کی خدمات کو سراہا، اور شریک لوگوں کو تسلی دی۔اس موقع پر سنٹرل پنجاب کے نائب صدر پیپلز پارٹی، ارشد جٹ، مسلم لیگ ن کے رہنما خواجہ اسلام، اور سابق ایم ایس جنرل ہسپتال مسعود بخاری بھی موجود تھے۔ ان کے علاوہ شہر بھر کی مختلف سیاسی، سماجی، اور تجارتی شخصیات، وکلا، صحافیوں، اور تاجر برادری کے نمائندے بھی اس اجتماع میں شریک ہوئے۔چوہدری نجم، رہنما پاکستان پیپلز پارٹی، اور سٹی کے دیگر عہدیدار بھی اس موقع پر موجود تھے، جنہوں نے تعزیت پیش کی اور مرحومہ کے خاندان کے ساتھ ہمدردی کا اظہار کیا۔اجتماع میں شریک افراد نے مرحومہ کی یاد میں دعا کی اور ان کی روح کو سکون پہنچانے کے لیے اللہ تعالی سے دعا کی۔