سرکاری ملازمین کا احتجاج رنگ لے آیا، حکومت نے تنخواہوں میں اضافے کی منظوری دیدی

لاہور (94 نیوز) پنجاب کے سرکاری ملازمین کا احتجاج رنگ لے آیا۔ پنجاب حکومت نے تنخواہوں میں وفاق کے برابر اضافے کی منظوری دے دی۔ 

نگران وزیر اعلیٰ پنجاب محسن نقوی کی زیرصدارت صوبائی کابینہ کا اجلاس ہوا، جس میں سرکاری ملازمین کی تنخواہوں میں35 فیصد اور پنشن میں 17 فیصد اضافے کی منظوری دیدی گئی ۔تنخواہوں اور پنشن میں اضافےکااطلاق ملازمین کی بنیادی تنخواہ پرہوگا۔

واضح رہے کہ اس سے قبل پنجاب حکومت نے ملازمین کی تنخواہوں میں 30 فیصد اضافے کا نوٹیفکیشن جاری کیا تھا جسے سرکاری ملازمین کی یونین اور ایپکا نے مسترد کر دیا تھا۔