اینٹی کرپشن کی کارروائی،ایلیٹ رشوت لیتے ہوئے رنگے ہاتھوں گرفتار

فیصل آباد(94 نیوز) ڈائریکٹر اینٹی کرپشن عمران رضا عباسی کی ہدایت پر اینٹی کرپشن ٹیم نے کارروائی کرتے ہوئے پنجاب پولیس کے ایلیٹ کو رشوت لیتے ہوئے رنگے ہاتھوں گرفتار کرلیا۔

تفصیلات کے مطابق ڈائریکٹر اینٹی کرپشن کو جڑانوالہ کی رہائشی نازیہ بی بی نے درخواست گزاری تھی کہ پنجاب پولیس کا ایلیٹ سرمد سعید اسے پنجاب پولیس میں بھرتی کرانے کے عوض 10 ہزار روپے رشوت طلب کر رہا ہے جس پرسرکل آفیسرشیخ ناصر عباس نے چھاپہ مار کر ایلیٹ کو رشوت لیتے ہوئے رنگے ہاتھوں گرفتار کرلیا اور اس کے خلاف تھانہ اینٹی کرپشن میں مقدمہ نمبر37/19 درج کرادیا۔