قومی

عمران خان کا اختر مینگل کے 6 نکات پر اتفاق کا اظہار

پاکستان تحریک انصاف اور بلوچستان نیشنل پارٹی مینگل گروپ میں جلد معاملات طے ہونے کا امکان

لاہور (تعلیم ٹی وی آن لائن)پی ٹی آئیکے سربراہ عمران خان کے  اختر مینگل کے 6نکات پر اتفاق کا اظہار کیا ہے۔میڈیا رپورٹس کے مطابق پی ٹی آئی اور بلوچستان نیشنل پارٹی مینگل گروپ میں جلد معاملات طے ہونے کا امکان ہے۔ پی ٹی آئی کے رہنما  شاہ محمود قریشی کا کہنا ہے کہ  عمران خان اور اختر مینگل کے 6 نکات سے متعلق بریف کیا ہے ۔عمران خان نے  اختر مینگلکے 6 نکات پر آمادگی کا اظہار کیا ہے۔اور جلد ہی  اختر مینگل اور عمران سے درمیان ملاقات ہو گی۔جب کہ جمہوری وطن پارٹی کے شاہ زین بگٹی سے بھی مشاورت جاری ہے۔ یاد رہے اس سے پہلے پی ٹی آئی بلوچستا ن کے صدر سردار یار محمد رند اور پی ٹی آئی کے رہنما نعیم الحق نے جمعرات کو بلوچستا ن ہائوس میں  بلوچستان یشنل پارٹی (مینگل) کے سربراہ سردار اختر مینگل سے ملاقات کی جس میں حکومت سازی کے حوالے سے تبادلہ خیال کیا گیا۔

تحریک انصاف کے رہنمائوں نے سرداراختر مینگل کو عمران خان سے ملاقات کی دعوت دی۔ پی ٹی آئی وفد سے ملاقات کے بعد میڈیا سے گفتگو کرتے ہوئے سردار اختر مینگلنے کہا کہ اتحاد میں شمولیت کی دعوت پر  پی ٹی آئی کے وفد کا مشکور ہوں، پی ٹی آئی سے مثبت جواب ملا ہے۔ انہوں نے کہا کہ ہم نے  تحریک انصاف کے سامنے بلوچستان کے  مسائل رکھے ہیں، لاپتہ افراد کی بازیابی اورسی پیک پر عملدرآمد کا بھی ہم نے مطالبہ کیا ہے لہٰذا ہمیں مثبت جواب ملا تو ساتھ دینے کو تیار ہیں۔بلوچتان کی وزارت اعلیٰ سے متعلق ایک سوال پر انہوں نے کہا کہ جے یو آئی اتحادی جماعت ہے، حکومت یا اپوزیشن میں بیٹھنے کا فیصلہ مل کر کریں گے۔۔ نعیم الحق نے مطالبات عمران خان کے سامنے رکھنے کی یقین دہانی کراتے ہوئے کہا کہ عمران خان پہلے لیڈر ہوں گے جو بلوچستان کے مسائل حل کریں گے۔

Show More

Related Articles

Back to top button