What will happen in the Prime Minister's House now instead of the university? Learn

Islam Abad(94 news) انتخابات سے پہلے عمران خان وزیراعظم ہاؤس کو یونیورسٹی بنانے کا لوگوں کو خواب دکھاتے رہے، بلکہ گورنر ہاؤسز کو بھی یونیورسٹی بنانا چاہتے تھے۔ لیکن اب حکومت نے وزیراعظم ہاؤس کو یونیورسٹی کے بجائے آمدن کا مستقل ذریعہ بنانے کا فیصلہ کرلیا۔

تفصیلات کے مطابق وزیراعظم ہاؤس کی عمارت اب کرائے پر حاصل کی جاسکے گی۔ وزیراعظم ہاؤس میں اب فیشن اور ثقافت کی تقریبات ہوں گی۔ وفاقی کابینہ کے ایجنڈے میں شامل تجویز کے مطابق وزیراعظم ہاؤس میں مقامی اور عالمی فوڈ، فیشن، ثقافتی تقریبات اور ونٹیج گاڑیوں کی نمائش کرائی جائے گی۔اعلیٰ سطح کی سفارتی تقریبات اور سیمینارز بھی وزیراعظم ہاؤس میں ہوں گے، پرائم منسٹر ہاؤس کے تجارتی استعمال کیلئے دو کمیٹیاں بھی تشکیل دے دی گئیں جو سیکیورٹی اور ڈسپلن برقرار رکھنے کی ذمہ دار ہوں گی۔