SP Admin Hafiz Muttadah, SP Lyallpur Town Rehman Qadir is patronizing the occupation mafia named Younis Gujjar, Tariq Javed Waraich exploded in the press conference.
Faisalabad (94 News City Reporter) ایس پی ایڈمن حافظ معتداح اور ایس پی لائلپور ٹاؤن رحمان قادر یونس گجر نامی قبضہ مافیا کی سرپرستی کررہے ہیں ۔ایس پی ایڈمن یونس گجر کا حصہ دار ہے ہمیں صاف کہا جارہا ہے ڈیل کرو یا مقدمات بھگتو۔
ان خیالات کا اظہار فیصل آباد پریس کلب میں طارق جاوید وڑائچ نے اپنے وکیل اور بیٹوں کے ہمراہ پریس کانفرنس کرتے ہوئے کیا ۔انہوں نے یونس گجر اور پولیس افسران پر سنگین الزامات عائد کیے۔ ان کا کہنا تھا کہ وہ اپنی وراثتی پراپرٹی وڑائچ ہائیٹس پلازہ کے مالک و قابض ہیں، لیکن یونس گجر نے پلازے پر قبضے کی کوشش کی اور ان کے خلاف جھوٹے مقدمات درج کروائے۔ طارق جاوید کے مطابق یونس گجر نے پلازے کا 60 فیصد حصہ خریدنے کے معاہدے کے تحت 3 Crore 50 لاکھ روپے بیعانہ دیا، لیکن چیک ڈس آنر ہونے پر معاہدہ منسوخ کر دیا گیا۔ چیک ڈس آنر کے بعد یونس گجر کے خلاف عدالت نے چیک کا مقدمہ درج کرنے کا حکم دیا تو ایس ایچ او نے عدالت کے حکم کے باوجود مقدمہ درج نہ کیا اور صاف کہا ایس پی لائلپورٹاؤن رحمان قادر نے عدالتی حکم نامہ لیکر مقدمہ درج کرنے سے روک دیا ہے یونس گجر نے بعد ازاں دوکانوں کو غیر قانونی طور پر فروخت کرنے کی کوشش کی، جسے ناکام بنا دیا گیا۔انہوں نے الزام لگایا کہ ایس پی ایڈمن حافظ معتدا اور ایس پی لائلپور ٹاؤن رحمان قادر یونس گجر کی پشت پناہی کر رہے ہیں اور ان کے دباؤ پر پولیس نے ان کے خلاف چار جھوٹے مقدمات درج کیے۔ ان میں سے تین مقدمات کو ایس ایس پی آپریشنز نے جھوٹا قرار دیا ہے۔ طارق جاوید نے کہا کہ ایس ایچ او تھانہ گلبرگ نے پلازے کا تعمیراتی کام زبردستی رکوا دیا اور یونس گجر کو دوکانوں پر شیڈ لگانے کی اجازت دی تاکہ قبضہ ظاہر کیا جا سکے۔ انہوں نے دعوی کیا کہ یونس گجر کئی مقدمات میں مفرور ہے اور ایک قبضہ مافیا کے طور پر مشہور ہے۔ذرائع سے معلوم ہوا ہے کہ ایس پی ایڈمن حا فظ معتداح یونس گجر کا حصہ دار ہے ۔ہمارے خلاف اس کی درخواستوں پر راتوں رات جھوٹے مقدمات درج ہونے کے ذمہ دار دونوں ایس پی ہیں، انہوں نے کہا کہ میں بیمار آدمی ہوں زبان سے بول نہیں سکتا۔ انہوں نے آر پی او فیصل آباد، آئی جی پنجاب عثمان انور، اور وزیر اعلٰی پنجاب مریم نواز شریف سے مطالبہ کیا کہ جھوٹے مقدمات ختم کیے جائیں اور ان کے پلازے پر قبضے کی کوشش کرنے والوں کے خلاف کارروائی کی جائے۔
