Buried the IPPs, People who are going to make electricity so cheap will be able to store it in the battery and use it at night, said Energy Minister Owais Leghari

Lahore (94 news) وفاقی وزیر توانائی اویس لغاری کا کہنا ہےکہ ہم نے آئی پی پیز کو آئندہ کے لیے دفن کر دیا ہے، بجلی کو اتنا سستا کرنے جا رہے ہیں کہ لوگ بیٹری میں محفوظ کریں گے اور رات کو استعمال کر سکیں گے۔

ایک نجی یونیورسٹی میں پاور کانفرنس سے ویڈیو خطاب میں اویس لغاری کا کہنا تھا کہ توانائی سیکٹرکی اصلاحات ملک کے لیے بہت اہم ہیں، آج کل سبسڈی کی بات ہو رہی ہے، ہم موقع دے رہے ہیں، پرائیویٹ کمپنیاں آئیں اور خود اسمارٹ میٹر لائیں۔مسئلہ اس وقت زیادہ ہوتا ہے جب ڈیفیکٹو بل پر بل ڈالاجاتا ہے، کوئی ڈیفیکٹو میٹر تین ماہ سےزائد نہ چلےتاکہ بلنگ کا بوجھ نہ آئے، ہم نے آئی پی پیز کو آئندہ کے لیے دفن کر دیا ہے، حکومت آئی پی پیز کے کاروبار سے نکل گئی ہے، ہم مزید 10 ہزار میگا واٹ کے آئی پی پیز لگانے جا رہے تھے ان کو روک دیا ہے۔

وفاقی وزیر کا کہنا تھا کہ صنعت اور زراعت کے لیے بجلی کے نرخ مختلف ہوں گے، دن کے وقت بی 3 اور بی فور کے لیے 6 سے7 روپے سستی بجلی دیں گے، ہم بجلی کو اتنا سستا کرنے جا رہے ہیں کہ لوگ بیٹری میں محفوظ کریں گے اور رات کو استعمال کرسکیں گے۔میٹروں کی خریداری میں بچت کی گئی ہے، اگلے ایک دو سال میں کمپنیاں پرائیویٹ ہو جائیں گی۔