عوامی تاجر اتحاد کے زیر اہتمام پری بجٹ سیمینار 15مئی کوہو گا
لاہور (94 نیوز) عوامی تاجر اتحاد پاکستان کے زیر اہتمام 15مئی کو منہاج یونیورسٹی لاہور میں پری بجٹ سیمینار ہو گا۔ جس میں ڈپٹی چیئرمین بورڈ آف گورنرز منہاج یونیوسٹی پروفیسر ڈاکٹر حسین محی الدین قادری، وائس چانسلر منہاج یونیورسٹی ڈاکٹر ساجد محمود شہزاد، سابق وزیر خزانہ پنجاب اورچیئرمین بورڈ آف ڈائریکٹرزNFC تنویر اشرف کائرہ، سیکرٹری جنرل پاکستان عوامی تحریک خرم نواز گنڈاپور، نائب صدر سارک چیمبر آف کامرس اینڈ انڈسٹری میاں انجم نثار، صدر لاہور چیمبر آف کامرس اینڈ انڈسٹری ابو ذر شاد، سینئر صحافی حبیب اکرم، چیئرمین پیاف فہیم الرحمان سہگل، حاجی محمد اسحاق، الطاف حسین رندھاوا، راشد چوہدری، ثاقب بھٹی سمیت ملک کی نامور شخصیات آئندہ سال کے بجٹ کے اہم پہلوؤں پر گفتگو کریں گے اور ملک میں بڑھتی مہنگائی، غربت، لاقانونیت اور مایوسی کے خاتمہ کیلئے ٹھوس لائحہ عمل دیں گے۔
