شوبز

معروف ٹک ٹاکر حریم شاہ نے معروف سیاستدان سے شادی کر لی

فیصل آباد (94 نیوز) معروف ٹک ٹاکر حریم شاہ نے پاکستان پیپلز پارٹی کے رہنما سے شادی کر لی۔ حریم شاہ نے ایک نجی ٹی وی چینل سے گفتگو میں شادی کی تصدیق کی ہے۔انہوں نے بتایا کہ میں نے پیپلز پارٹی کے رکن سندھ اسمبلی سے شادی کر لی ہے۔ فی الحال حریم شاہ نے شوہر کا نام نہیں بتایا۔ حریم شاہ کا کہنا ہے کہ وہ جلد شوہر کا نام اور شادی کی تفصیلات سے مداحوں کو آگاہ کردیں گی۔
حریم شاہ نے حال ہی میں انسٹاگرام پر بھی مبینہ طور پر شوہر کے ساتھ ہاتھوں کی تصویر شئیر کرتے ہوئے خدا کا شکر ادا کیا تھا۔انہوں نے کیپشن میں الحمد اللہ لکھا تھا تاہم ٹک ٹاک اسٹار نے یہ واضح نہیں کیا کہ وہ جن کا ہاتھ تھامے ہوئے ہیں وہ ان کے شوہر ہیں یا کوئی اور۔

بعدازاں حریم شاہ کے اکاؤنٹ سے اس پوسٹ کو بھی ڈیلیٹ کر دیا گیا۔سوشل میڈیا پر حریم شاہ کی خبر سامنے آنے کے بعد صارفین نے اندازے لگانا شروع کر دئیے ہیں کہ آیا ان سے شادی کرنے والا سیاستدان کون ہیں۔

حریم شاہ کے مداح تجسس میں مبتلا ہیں تاہم حریم شاہ فی الحال اپنے شوہر کا نام سامنے لانے سے گریز کر رہی ہیں۔کچھ عرصہ قبل حریم شاہ کی بلاول بھٹو کے لیے جاری کی جانے والی ویڈیو وائرل ہوئی تھی۔ حریم شاہ نے چئیرمین پاکستان پیپلز پارٹی بلاول بھٹو زرداری کے لیے رومانوی گانے کی ایک ویڈیو وائرل کی جس کے باعث حریم شاہ ایک مرتبہ پھر سے خبروں کی زینت بن گئی تھیں۔
اس ویڈیو میں ٹک ٹاک اسٹار حریم شاہ نے پیپلز پارٹی کے چیئرمین بلاول بھٹو زرداری سے اظہار محبت کیا۔ویڈیو جو دیکھتے ہی دیکھتے مقبول ہو گئی۔ ویڈیو میں حریم شاہ کو ’تم چلے آؤ پہاڑوں کی قسم ‘ پر لپ سنکنگ کرتے دیکھا جاسکتا ہے۔ ویڈیو میں حریم شاہ جہاں بلاول بھٹو زرداری کی موبائل میں موجود تصویر کو گلے لگاتی دکھائی دیں، وہیں وہ رومانوی گیت پر رقص بھی کرتی دکھائی دیں۔

مزید

متعلقہ خبریں

جواب دیں

Close