قومی

پیٹرولیم ڈیلرز کے ناجائز مطالبات تسلیم نہیں کریں گے، حماد اظہر

اسلام آباد (94 نیوز) وفاقی وزیر توانائی حماد اظہر کا پیٹرولیم ڈیلرز کی ہڑتال سے متعلق کہنا ہے کہ جائز مطالبات مانیں گے، ناجائز مطالبات تسلیم نہیں کریں گے۔

حماد اظہر نے کہا ہے کہ پٹرول پمپس کی ہڑتال کی آڑ میں کچھ گروپس 9 روپے کا اضافہ چاہتے ہیں، چند کمپنیوں کو نوازنے کے لئے 9 روپے کا اضافہ نہیں کیا جا سکتا۔

وفاقی وزیر نے مزید کہا کہ پیٹرول پمپ مالکان کی مشکلات کا احساس ہے مگر پیٹرول پمپ مالکان بھی عوام کی مشکلات کا احساس کریں اورفیصلے پر نظرثانی کریں کیونکہ عوام کو پریشان کرنا بھی درست نہیں ہے۔

حماد اظہر نے کہا کہ مارجن میں اضافے کی سمری پہلے ہی ای سی سی میں پیش کر دی ہے، آئندہ اجلاس میں فیصلہ ہو جائے گا لیکن جائز مطالبات تسلیم کئے جائیں گے۔

واضح رہے کہ پیٹرولیم ڈیلرز ایسوسی ایشن نے منافع کے مارجن کو بڑھانے کے لیے ملک بھر میں ہڑتال کی ہے، بیشتر پیٹرول پمپس بند ہونے سے شہریوں کو دشواری کا سامنا ہے، جبکہ بعض سرکاری اور نجی پمپس پر پیٹرول کی فراہمی جاری ہے۔

مزید

متعلقہ خبریں

جواب دیں

Close