National

Madrassas and welfare institutions will be able to collect skins at the allotted places, district administration said

Faisalabad (94 news) ضلعی انتظامیہ نے عیدالاضحی کے موقع پر مدارس وفلاحی اداروں کی طرف سے قربانی کی کھالیں جمع کرنے کے لئے ضلع بھر میں 26 پوائنٹس مختص کردئیے ہیں۔

اس سلسلے میں جاری ہونے والے نوٹیفکیشن کے مطابق مقررکئے گئے مقامات کے علاوہ دیگر کسی جگہ پر کھالوں کے کاروبار بطور عطیات وصول کرنے کے لئے کیمپ وغیرہ لگانے پر پابندی ہوگی۔قربانی کے جانوروں کی کھالیں جمع کرنے کے لئے یہ پوائنٹس فیصل آباد شہر میں بیرون امین پور بازار عیدگاہ روڈ،نزد دربار بابا قائم سائیں باالمقابل قبرستان،ریاض شاہد چوک نزد واسا آفس،چاندنی چوک نزد ایم سی بوائز ہائی سکول اسلام نگر، بیرون واسا وئیر ہاؤس نزد ناولٹی پل،ممتاز گارڈن گلشن رفیق روڈر یکس روڈ،سٹاپ نمبر5ہلال روڈ 224وزیر خاں والی،ٹینکی والا چوک منڈی کوارٹر، نشاط آباد میں چناب فیبرکس کے سامنے،سعید کالونی نمبر1مدینہ ٹاؤن میں قبرستان کے نزدیک کھلی جگہ،بیرون ایم آئی مڈل سکول نزد لال ڈسپنسری گلبرگ، بیرون ایم سی بوائز ہائی سکول غلام محمد آباد باالمقابل یونین کونسل دفتر،بیرون کمال آباد قبرستان،چھتری والا چوک جناح کالونی اورباالمقابل ڈھیرہ سائیں قبرستان غلام محمد آباد میں قائم ہونگے۔اسی طرح تحصیل جڑانوالہ میں پرانا تانگہ سٹینڈ،سلاٹر ہاؤس جڑانوالہ،سلاٹر ہاؤس کھرڑیانوالہ چوک،ویٹرنری ہسپتال کھرڑیانوالہ،تحصیل سمندری میں تانگہ سٹینڈ گوجرہ روڈ،باالمقابل لیڈی پارک،تحصیل تاندلیانوالہ میں جلہ چوک،ہاکی گراؤنڈ کینال روڈ،ریلوے گراؤنڈ ماموں کانجن اور تحصیل چک جھمرہ میں ریلوے گودام نزد ریلوے اسٹیشن اور سانگلہ روڈ پر محکمہ خوراک کے گودام کے نزدیک قائم ہونگے۔ان مقامات پرکھالیں جمع کرنے کے لئے کیمپ کی اجازت کے حصول کے سلسلے میں ڈپٹی کمشنر آفس کو تحریری درخواست دینا ہوگی۔ضلعی انتظامیہ کی طرف سے واضح کیا گیا ہے کہ کسی کالعدم تنظیم کو کھالیں جمع کرنے کی اجازت نہیں دی جائے گی،خلاف ورزی کی صورت میں فوری ایکشن لیاجائے گا۔کاروباری افراد،مدارس اور فلاحی اداروں کی طرف سے کھالوں کیلئے ٹینٹ وغیرہ کاانتظام درخواست گزارکوخود کرنا ہوگا اور پوائنٹس پر لاؤڈ سپیکر کے استعمال کی اجازت نہیں ہوگی۔ایم ڈی فیصل آباد ویسٹ مینجمنٹ کمپنی اور میونسپل کمیٹیز کے چیف آفیسرز کھالیں جمع کرنے کے مقامات پرباقاعدگی سے صفائی کویقینی بنائیں گے اورجراثیم کش سپرے،پانی کے چھڑکاؤ اورچونا بچھانے کے لئے بھی اقدامات کریں گے جبکہ تمام پوائنٹس پر کورونا ایس اوپیز پر عملدرآمد کو ہر صورت یقینی بنایا جائے۔

More

Related news

Leave a Reply

Close