Livestock Department Faisalabad and Punjab Food Authority take major action against illegal slaughter house. 2000 A kilogram of unhealthy meat was recovered, a case was registered against the accused
Faisalabad (94 News City Reporter) Livestock Department Faisalabad and Punjab Food Authority take major action against illegal slaughter house. 2000 A kilogram of unhealthy meat was recovered, a case was registered against the accused
ایڈیشنل ڈائریکٹر لائیوسٹاک فیصل آباد کی زیرنگرانی اور ڈپٹی ڈائریکٹر لائیوسٹاک فیصل آباد ڈاکٹر سہیل احمد انجم کی ہدایات پر محکمہ لائیوسٹاک فیصل آباد اور پنجاب فوڈ اتھارٹی کی مشترکہ ٹیم نے چک نمبر 67 ج۔ب سدھار، سبزی منڈی چراگاہ فیصل آباد میں قائم غیر قانونی سلاٹر ہاؤس کے خلاف کارروائی کرتے ہوئے بھاری مقدار میں مضرِ صحت گوشت برآمد کر لیا۔
کارروائی کے نتیجے میں تقریباً 2000 کلو گرام بغیر سرکاری مہر، غیر معیاری اور بدبودار گوشت برآمد ہوا۔ ویٹرنری معائنے کے بعد مذکورہ گوشت کو انسانی استعمال کے لیے غیر موزوں قرار دیتے ہوئے تلف کر دیا گیا۔
کارروائی کے نتیجے میں ملوث ملزمان کے خلاف مقدمہ درج کر لیا گیا ہے جبکہ قانون کے مطابق مزید کارروائی جاری ہے۔
اس حوالے سے ڈائریکٹر لائیوسٹاک فیصل آباد ڈویژن ڈاکٹر ساجد اقبال کا کہنا ہے کہ عوام کو محفوظ، معیاری اور صحت بخش گوشت کی فراہمی یقینی بنانے اور صحتِ عامہ کے تحفظ کے لیے غیر قانونی سلاٹر ہاؤسز، غیر قانونی ذبح اور مضرِ صحت گوشت کی تیاری و فروخت میں ملوث عناصر کے خلاف بلاامتیاز قانونی کارروائیاں جاری رہیں گی۔
