فیصل آباد: سٹی ٹریفک پولیس کی ڈرائیونگ لائسنس وین ستارہ پارک سٹی، جڑانوالہ روڈ پہنچ گئی، مرد و خواتین کو لائسنس جاری کردئیے گئے

فیصل آباد (94 نیوز سٹی رپورٹر) سٹی ٹریفک پولیس فیصل آباد کی جانب سے شہریوں کو پولیس اسٹیشن اور ڈرائیونگ لائسنس سے متعلق سہولیات ان کی دہلیز کے قریب فراہم کرنے کے لیے موبائل پولیس اسٹیشن و لائسنسنگ یونٹس کا سلسلہ جاری ہے۔

اس سلسلے میں بلیو وین نے آج ستارہ پارک سٹی، جڑانوالہ روڈ فیصل آباد کا دورہ کیا، جہاں شہریوں کو پولیس اسٹیشن اور متعلقہ سہولیات فراہم کی گئیں۔
اسی طرح پنک وین نے گوکھوال 131/JB، ابراہیم ٹاؤن، ملت روڈ فیصل آباد میں اپنی خدمات فراہم کیں، جہاں شہریوں کو ڈرائیونگ لائسنس اور پولیس اسٹیشن سے متعلق دستیاب سہولیات سے مستفید کیا گیا۔
موبائل پولیس اسٹیشن و لائسنسنگ یونٹس کا مقصد شہریوں کو سہولیات ان کے قریب فراہم کرنا اور سرکاری خدمات تک آسان رسائی یقینی بنانا ہے۔