شیخ رشید کی کارکردگی صفر، صرف شیطانی کرسکتا ہے، رانا ثناءاللہ
لاہور (94 نیوز) مسلم لیگ (ن) کے رہنماءو سابق صوبائی وزیر قانون رانا ثناءاللہ نے کہا ہے کہ شیخ رشید کو اپنی کارکردگی کی کوئی فکر نہیں جن کے پہلے آٹھ ماہ کے دور میں ریلوے کو 29 ارب روپے کا خسارہ ہوا ہے اور ابھی قومی خزانے سے مزید اربوں روپے سالانہ ادا کرنے ہوں گے۔
تفصیلات کے مطابق رانا ثناءاللہ نے کہا کہ پنڈی کے شیطان کو اپنی کارکردگی کی کوئی فکر نہیں، شیخ رشید کو صرف شہباز شریف اور نواز شریف کا خوف ہے ، پنڈی کا شیطان صرف شیطانی کر سکتا ہے اور اپنی کارکردگی صفرہے، رمضان المبارک میں شیطان قید اور راولپنڈی کا شیطان آزاد ہے ۔
ان کا کہنا تھا کہ ریلوے ملازمین کی پنشن، گریجویٹی کے چیک آئے روز باﺅنس ہو رہے ہیں لیکن خسارے کا شکار ریلوے میں سیاسی بنیادوں پر 10 ہزار سے زائد افراد کی بھرتی کی اجازت دی گئی، ریلوے کو قومی خزان سے مزید اربوں روپے سالانہ ادا کرنے ہوں گے۔