مظفر آباد (94 نیوز) آزاد کشمیر کا ایک کھرب 41 ارب 40 کروڑ کا ٹیکس فری بجٹ آج پیش کیا جائے گا، وزیرخزانہ نجیب نقی مالی سال 22-2021 کابجٹ پیش کریں گے ۔
ایک کھرب 13 ارب 40 کروڑروپے غیر ترقیاتی اخراجات کیلئے مختص کئے جانے کا امکان ہے ، 28 ارب روپے ترقیاتی اخراجات پرخرچ ہوں گے، ترقیاتی بجٹ میں گزشتہ مالی سال کے مقابلے 14 فیصداضافہ ملازمین کی تنخواہوں میں 35 فیصد اضافے کی تجویز ہے ۔
بجٹ میں صحت کیلئے ایک ارب 75 کروڑ،تعلیم کیلئے 3 ارب 20 کروڑمختص کئے جانے کا امکان ہے ، مواصلات کیلئے 10 ارب،فزیکل پلاننگ و ہاؤسنگ کیلئے 4 ارب 80 کروڑمختص کئے جانے کا امکان ہے ۔