کھیل

پاکستان اور آسٹریلیا کے مابین ڈے اینڈ نائیٹ کرکٹ ٹیسٹ سیریز کروانے کی تجویز

سڈنی (94نیوز) آسٹریلین کرکٹ بورڈ نے پاکستان کے خلاف ڈے اینڈ نائٹ ٹیسٹ سیریز کرانے کی تجویز دی ہے جو کرکٹ کی تاریخ میں پہلی مصنوعی روشنی کی کھیلی جانے والی سیریز ہوگی۔

آسٹریلوی میڈیا کے مطابق پاکستان نے رواں سال نومبر میں 2 ٹیسٹ میچز کیلئے آسٹریلیا جانا ہے اور کرکٹ آسٹریلیا نے دونوں ٹیسٹ ڈے اینڈ نائٹ کرانے کا منصوبہ بنایا ہے۔ رپورٹ کے مطابق یہ دونوں میچ ایڈیلیڈ اور برسبین میں کرائے جانے کی تجویز ہے جبکہ آسٹریلیا میں روایتی طور پر ڈے اینڈ نائٹ ٹیسٹ میچز ایڈیلیڈ اور برسبین میں کھیلے جاتے ہیں۔

کرکٹ آسٹریلیا کے چیف ایگزیکٹو کیون روبرٹس کا کہنا ہے کہ یہ بالکل واضح ہے کہ کوئی بھی وینیو لازمی ایک ٹیسٹ کی میزبانی کرے گا۔ یاد رہے کہ گلابی گیند سے ڈے نائٹ ٹیسٹ میچ مسلسل تین سال سے کامیابی کے ساتھ کرائے جارہے ہیں اور عموماً سیریز کا ایک ٹیسٹ ڈے نائٹ ہوتا ہے، اس کے باوجود بھارت نے رواں سال ایڈیلیڈ میں آسٹریلیا کے خلاف ڈے نائٹ ٹیسٹ کھیلنے سے انکار کردیا تھا۔

مزید

متعلقہ خبریں

جواب دیں

Close