Punjab Chief Minister Sardar Usman Bazdar will visit Faisalabad today

Faisalabad (94 news) وزیراعلیٰ پنجاب سردار عثمان بزدار آج فیصل آباد کا دورہ کریں گے۔
تفصیلات کے مطابق وز یراعلیٰ پنجاب عثمان بزدار آج فیصل آباد میں اربوں روپے کے ترقیاتی منصوبوں کا افتتاح کریں گے اور سنگ بنیاد رکھیں گے۔

وزیراعلیٰ چائلڈ پروٹیکشن انسٹی ٹیوٹ کا افتتاح کریں گے، اس منصوبے پر 21 کروڑ روپے لاگت آئی ہے
اسی طرح رورل ہیلتھ سینٹر کھرڑیانوالہ کی اپ گریڈیشن کے منصوبے کا افتتاح کریں گے جس پر 20 کروڑ روپے لاگت آئی ہے۔ کرکٹ سٹیڈیم تاندلیانوالہ کی تعمیر کے منصوبے کا افتتاح کریں گے جس پر ساڑھے 7 کروڑ روپے لاگت آئی ہے۔

ذرائع کے مطابق وزیراعلیٰ عثمان بزدار 8 Billion 16 کروڑ روپے کے 78 ترقیاتی منصوبوں کا سنگ بنیاد رکھیں گے۔ فیصل آباد کی شاہرات کی تعمیر و مرمت کے 11 منصوبے 3 Billion 11 کروڑ روپے کی لاگت سے مکمل جائیں گے۔ جھنگ روڈ ماڈل بازار سے پل چوچلاں کی تعمیر و مرمت کا کام 18 کروڑ روپے کی لاگت سے مکمل کیا جائے گا۔
پینے کے صاف پانی اور نکاسی آب کے 19 منصوبے 4 ارب روپے سے مکمل ہوں گے
ہیلتھ پراجیکٹ کے تحت 11 کروڑ روپے کی لاگت سے 15 ڈسپنسریوں کی مرمت و بحالی کی جائے گی
شعبہ تعلیم کے 25 منصوبے 16 کروڑ روپے کی لاگت سے مکمل کئے جائیں گے
دیہات تک رسائی کے پروگرام کے تحت 5 سڑکوں کی تعمیر و مرمت کے منصوبے 30 کرو ڑ روپے کی لاگت سے مکمل ہوں گے