قومی

نوازشریف کیخلاف غداری کا مقدمہ چلنا چاہیے، فیاض چوہان

اسلام آباد(94 نیوز) وزیراطلاعات پنجاب فیاض الحسن چوہان نے کہا ہے کہ نواز شریف نے کروز میزائل کے حوالے سے سرعام بات کرکے حساس قومی راز افشا کیے، وہ اہم ملکی رازوں سے پردہ اٹھا کر غداری کے مرتکب ہوئے ہیں، ان کیخلاف غداری کا مقدمہ چلنا چاہیے۔انہوںنے کہا ہے کہ نواز شریف نے ملکی رازوں کی حفاظت کاحلف اٹھایا تھا مگر وہ ملک، قوم اور ریاستی اداروں سے بغض اورکینے میں حد سے نکل چکے ہیں۔

وزیراطلاعات پنجاب کا کہنا ہے کہ ہریسے، نہاری اور عوام کا مال کھا کر نواز شریف کے دماغ پر چربی چڑھی ہوئی ہے، شریف خاندان اپنی ذات کے سوا کچھ بھی سوچنے سمجھنے سے عاری ہے۔ ان کا کہنا تھا کہ عدلیہ اور افواجِ پاکستان سمیت کوئی ادارہ ان کی دشنام طرازی سے محفوظ نہیں، نواز شریف اپنی کم فہمی کے باعث ہمیشہ پاکستان کے لیے عالمی سطح پر سبکی کا باعث بنے ہیں، پاکستانی عوام شریف خاندان کا ملک دشمن ایجنڈا ٹھکرا چکی ہے۔

مزید

متعلقہ خبریں

جواب دیں

Close