قومی

فیصل آباداورگوجرانوالہ میں پولی تھین بیگزکےاستعمال پرپابندی عائد

لاہور (94 نیوز) لاہور ہائیکورٹ نے پولی تھین پر مزید دو شہروں میں استعمال پر پابندی عائد کردی۔

تفصیلات کے مطابق لاہور ہائی کورٹ نےلاہور کے بعد فیصل آباد اور گوجرانوالہ میں مالز اور شاپنگ سنٹرز میں پولی تھین بیگز کے استعمال پر پابندی عائد کر دی۔ جسٹس شاہد کریم نے ڈی جی ماحولیات کو عدالتی حکم پر مکمل عمل درآمد کرنے کا حکم دے دیا۔

 لاہور ہائیکورٹ کے جسٹس شاہد کریم نے سلمان خان نیازی ایڈووکیٹ کی درخواست پر سماعت کی۔ درخواست گزار کے وکیل نے موقف اختیار کیا کہ عدالتی حکم کے باوجود محکمہ ماحولیات پولی تھین بیگز کے استعمال سے متعلق پابندی کے حکم پر عمل درآمد نہیں کروا رہا جس کے باعث شہر میں نکاسی کا سسٹم متاثر ہو رہا ہے، شہریوں کو شدید مشکلات کا سامنا کرنا پڑ رہا ہے جبکہ ماحولیاتی الودگی میں بھی اضافہ ہو رہا ہے، عدالت ذمہ داروں کے خلاف کاروائی کرے۔

مزید

متعلقہ خبریں

جواب دیں

Close