قومی

نواز شریف اور جہانگیر ترین کی تاحیات نااہلی ختم،سپریم کورٹ کا فیصلہ

اسلام آباد (94 نیوز) سپریم کورٹ نے آرٹیکل 62 ون ایف کے تحت نااہلی کی مدت کے کیس کا فیصلہ آج سنا دیا۔ جسکے تحت تاحیات نااہلی کو ختم کردیا گیا۔

عدالت کا کہنا ہے کہ آرٹیکل 62 ون ایف کے تحت تاحیات نااہلی کا فیصلہ واپس لیا جاتا ہے، 2018 کا سمیع اللّٰہ بلوچ کیس کا فیصلہ واپس لیا جاتا ہے، سیاستدانوں کی نااہلی تاحیات نہیں ہوگی۔

چیف جسٹس قاضی فائز عیسیٰ کی سربراہی میں 7 رکنی بینچ نے کیس کی سماعت کی، سپریم کورٹ نے تاحیات نااہلی کے خاتمے کا فیصلہ 6-1 کے تناسب سے سنایا۔

فیصلے میں کہا گیا کہ 62 ون ایف کی تشریح عدالتی ڈیکلریشن کےذریعے آئین کو ریڈ ان کرنا ہے، ڈیکلریشن دینے کے حوالے سے قانون کا کوئی پراسیس موجود نہیں۔

سپریم کورٹ کے فیصلے کے بعد سابق وزیراعظم اور پاکستان مسلم لیگ (ن) کے قائد نواز شریف کے ساتھ استحکام پاکستان پارٹی (آئی پی پی) کے سربراہ  جہانگیر ترین کی تاحیات نااہلی ختم ہوگئی۔

Show More

Related Articles

جواب دیں

Back to top button