میرا انٹرویو کرنیوالے چینل کو لائسنس منسوخ کرنیکی دھمکی دی گئی،اسحاق ڈار

 اسحاق ڈار نے کہا افسوس ہے کہ عمران خان نیازی خود 2 سال سے زیادہ عرصہ مفرور تھا لیکن ان کے ٹی وی پر انٹرویوز نشر ہوتے تھے، اس وقت مسلم لیگ ن کی حکومت تھی لیکن ہماری حکومت نے ایسی کوئی قدغن نہیں لگائی، جنرل مشرف نے 2 بار آئین توڑا، ججز کو قید کیا، بینظیر بھٹو اور اکبر بگٹی کے قتل میں ملوث ہے لیکن وہ میڈیا ٹاک کر رہا ہے۔ اگر میں اس حکومت کے جھوٹ کا پردہ فاش کرتا ہوں اور یہ بتاتا ہوں کہ اصلیت کیا ہے تو میں اپنا فرض ادا کر رہا ہوں، اپنی آواز سوشل میڈیا کے ذریعے اٹھاﺅں گا اور حق کا یہ سلسلہ جاری رہے گا۔