قومی

جنرل قمر جاوید باجوہ توسیع پانے والے دوسرے آرمی چیف بن گئے

اسلام آباد(94 نیوز) چیف آف آرمی سٹاف جنرل قمر جاوید باجوہ کو مزید تین سال کی توسیع مل گئی۔

تفصیلات کے مطابق پاکستان کے سپہ سالار قمر جاوید باجوہ کے عہدے کی تین سالہ مدت مکمل ہونے سے تین ماہ 10 دن قبل وزیر اعظم عمران خان نے میعاد میں مزید تین سال کی توسیع دیدی۔ وہ 26 نومبر 2016ءکو پاک بری فوج کے سربراہ مقرر کئے گئے تھے۔

جنرل راحیل شریف کی ریٹائرمنٹ پر انہیں آرمی چیف مقرر کیا گیا تھا، وہ مدت ملازمت میں توسیع پانے والے جنرل (ر) اشفاق پرویز کیانی کے بعد دوسرے فوجی سربراہ ہیں۔ دیگر آرمی چیفس کے معاملے میں جنرل (ر) ایوب خان، جنرل (ر) ضیاءالحق اور جنرل (ر) پرویز مشرف نے چیف آف آرمی اسٹاف کی حیثیت سے اپنے عہدوں میں از خودتوسیع کرلی تھی۔ کیونکہ وہ اس وقت خود ملک کے سربراہ تھے۔

جنرل (ر) عبدالوحید کاکڑ اور جنرل (ر) مرزا اسلم بیگ اپنی معینہ مدت کی تکمیل پرریٹائر ہوگئے جب کہ جنرل (ر) جہانگیر کرامت کو قبل از وقت ریٹائر کردیا گیا۔ جنرل (ر) آصف نواز اپنی اچانک وفات کے باعث مدت مکمل نہ کرسکے۔ جنرل قمر جاوید باجوہ کی مدت میں توسیع کا وزیراعظم عمران خان نے بڑا فیصلہ کیا ہے۔

 

مزید

متعلقہ خبریں

جواب دیں

Close