لاہور میں لوگوں کی انتہائی کم تعداد نے مولانا کو مایوس کردیا
مولانا فضل الرحمان کے چہرے پر مایوسی کے تاثرات، ن لیگ اور پیپلز پارٹی کی قیادت اور کارکنان غائب
لاہور (94 نیوز) لاہور میں لوگوں کی انتہائی کم تعداد نے مولانا فضل الرحمان کو مایوس کردیا ہے۔
ذرائع کے مطابق مولانا فضل الرحمان کا آزادی مارچ لاہور سے اسلام آباد کے لیے نکل چکا ہے جس میں جمیعتِ علماء اسلام ف کے کارکنان شامل ہیں۔ مولانا اپنے کنٹینر پر موجود ہیں لیکن مارچ میں لوگوں کی انتہائی کم تعداد نے انہیں مایوس کیا ہے۔ اس حوالے سے مولانا کی ویڈیو بھی سامنے آئی ہے جس میں ان کے چہرے پہ مایوسی دیکھی جا سکتی ہے۔ مولانا فضل الرحمان نے 15لاکھ لوگ مارچ کیلئے اسلام آباد لانے کا دعویٰ کیا تھا لیکن ان کے مارچ میں اس دعوے کی نسبت بہت کم لوگ موجود ہیں۔ لاہور سے نکلتے ہوئے مولانا کے ساتھ ن لیگ اور پیپلز پارٹی کی قیادت اور کارکنان بھی موجود نہیں ہیں حالانکہ دونوں جماعتوں نے مولانا کا ساتھ دینے کا وعدہ کیا تھا۔
مولانا صاب لاہور سے نکل چکے۔ مولانا اور ان کے دیگر ساتھیوں کے چہروں کے تاثرات قابل دید ہیں۔ اپوزیشن کی قیادت اور کارکن غائب۔ افسوس ہوا pic.twitter.com/7bQhytdJq1
— Inamullah Khattak (@Inamkhattakpak) October 30, 2019